A erupción este pasado domingo do ‘Volcán de Fuego’, situado no centro de Guatemala, deixou ata o momento un centenar de mortos, aínda que se teme que o balance aumente a medida que avancen as operacións de rescate.
Cortes de electricidade, colapso de fogares e pontes, falta de acceso a auga potable, perda de colleitas e bloqueos de camiños afectan a case dous millóns de persoas, fundamentalmente comunidades indíxenas. Ademais, os fluxos de lava e cinza están dificultando o subministro de alimentos ás poboacións próximas ao volcán.
Ante emerxencias humanitarias, a solidariedade da sociedade e unha resposta rápida e coordinada das administracións estatais, autonómicas e locais son aínda máis necesarias.
Só unha recomendación, antes de axudar, bota un ollo a este decálogo. As boas intencións por si soas non son suficientes.
A continuación ofrecemos o listado de organizacións membro da Coordinadora de ONGD estatal presentes na zona segundo o Informe do sector do ano 2017:
Arquitectura Sin Fronteras España
Asamblea de Cooperación Por la Paz
