A Coordinadora únese a campaña #ElOdioNoEsInocente

18 Xuño 2019 |

A Coordinadora Galega de ONGD sumouse xunto a 12 organizacións máis á campaña #ElOdioNoEsInocente co obxectivo de frear os discursos de odio presentes na esfera pública e no ámbito privado.

A iniciativa ten varios obxectivos: facer un chamamento ás autoridades para que actúen eficazmente fronte aos discursos de odio; chamar á responsabilidade de grupos políticos, medios de comunicación e cidadanía para que non alimenten este tipo de mensaxes; concienciar sobre o impacto negativo que estes discursos teñen sobre a vida das persoas; e chamar ao fomento de modelos de sociedade inclusivos e tolerantes.

De acordo co informe do Ministerio do Interior>> sobre a evolución dos incidentes relacionados cos delitos de odio en España 2017, o auxe destes discursos é cada vez máis importante. A campaña defende que os discursos de odio non son inocentes, senón que atacan a certos grupos de persoas e culpabilizalos de determinados problemas sociais para distraer a atención das súas verdadeiras causas e das súas verdadeiras solucións.

No marco da campaña #ElOdioNoEsInocente creáronse materiais que promoven a reflexión sobre as consecuencias de emitir xuízos de valor sobre determinados grupos de persoas sen contrastar a información nin reflexionado sobre ela. O obxectivo: recordar a importancia de antepoñer a dignidade das persoas por encima de calquera prejuicio.

“Nun contexto de desinformación, o odio e os bulos son unha potente ferramenta de manipulación da opinión. É unha estratexia organizada para sinalar chivos expiatorios, desviar a atención dos problemas reais e deshumanizar ás persoas. Distracción, troleo, xeración de campañas aparentemente espontáneas, todo vale para manipular a nosa opinión!.”

As organizacións que tamén se sumaron á campaña son AIETI, Alianza pola Solidariedade, Andalucía Acolle, Amnistía Internacional, Asociación Rumiñahui, CEAR, Coordinadora estatal de ONGD, Ecos do Sur, Entreculturas, Federación SOS Racismo, FELGTB, Rede de Mulleres Latinoamericanas.

Que ofrecemos?

Profesional da cooperación


Se es profesional da cooperación ofrecémosche:

Entidade


Se es unha ONGD ofrecémosche:

Persoa particular


Se es unha persoa individual ofrecémosche: