Guatemala
Xustiza colectiva para unha vida libre de violencia.
Este proxecto enmárcase dentro do ámbito estratéxico do V Plan Director da Cooperación Galega que busca impulsar a igualdade de xénero cun enfoque feminista, interseccional e de diversidades, así como o empoderamento e exercicio de dereitos de nenas e mulleres, fortalecendo as súas organizacións.
No concreto, está dirixido a mulleres e xóvenes dos municipios de Sololá, Nahualá, Santa Lucía Utatlán e Panajachel, no departamento de Sololá.
Os seus ámbitos de incidencia son a prevención da violencia de xénero entre a poboación máis nova e a atención a mulleres víctimas e sobreviventes de violencia de xénero, fundamentalmente mulleres indíxenas, baixo un enfoque feminista e interseccional.
O PROXECTO NUNS POUCOS DATOS
- O proxecto traballa con mulleres indíxenas de entre 18 e 65 anos, así como con mocidade de entre 12 e 18 anos (50 homes e 50 mulleres) estudantes de 4 centros de secundaria.
- Involucra a 25 representantes de organizacións sociais adicadas á atención a víctimas de vioencia de xénero, así como persoal docente.
- Fortaleceranse habilidades e coñecementos para previr a violencia de xénero
- Promoverase a igualdade de xénero entre a poboación máis nova
- Reforzaranse as capacidades para a atención de casos de violencia con enfoque feminista e interseccional
Movemento pola Paz (MPDL) desenvolve este proxecto coa Asociación Xoq Chajib’al Ja Casa de la Mujer, unha organización de mulleres cuxo obxectivo é promover o empoderamento integral das mulleres indíxenas do departamento de Sololá e contribuír á emilinación da violencia contra as mulleres.
A relación entre MPDL e Casa de la Mujer iniciouse en 2019 coa coordinación conxunta de diversas actividades e dun proxecto de atención integral e apoio á emancipación económica de mulleres víctimas de violencia de xénero. Dende aquela, desenvolven xuntas unha estratexia de defensa dunha vida libre de violencias para as mulleres guatemaltecas.