Este 7 de abril pechouse o prazo de recepción de proxectos para a terceira edición do Premio Galego de Educación coa recepción de 23 candidaturas procedentes doutros tantos centros de ensino da contorna galega.
Por categorías, a máis numerosa foi a C (ensino universitario), con 12 propostas presentadas, seguida da B (ESO, Bacharelato, Formación Profesional e centros de ensino de Réxime Especial e Ensinanzas Artísticas) con 9 e, por último, 2 na propostas na categoría A de Infantil e Primaria
Cando coñeceremos os proxectos galardoados no Premio Galego de Educación?
Tal e como recollen as bases desta terceira edición do Premio, nestas vindeiras semanas o xurado deberá analizar e valorar as propostas presentadas.
Este equipo está formado por varias persoas relacionadas coa Coordinadora Galega de ONGD (directiva ou persoal técnico, así como persoal da Comisión de Educación), con Cooperación Galega (Xunta de Galicia), co ámbito da Educación para o Desenvolvemento e Cidadanía Global e con profesorado con experiencia neste eido, sempre e cando non presentara candidatura nesta convocatoria.
A data de publicación da resolución está prevista para o mes de maio.
