O 8 de setembro, un terremoto de case 7 graos de magnitude sacudiu Marrocos, converténdose no máis grave da súa historia. O número de persoas falecidas supera as 2.000, mentres que milleiros de persoas están feridas e moitas desaparecidas, probablamente baixo os cascallos. Polo que estas cifras probablemente variarán.
O impacto foi enorme nunha zona na que os niveis de pobreza son moi elevados, con infraestruturas e edificios moi precarios. Nos primeros momentos, a poboación local garantiu o rescate de persoas atrapadas nos cascotes, pero días despois o apoio internacional é máis que necesario para manter as labores de rescate e proporcionar axuda médica e alimentaria inmediata.
Así o destaca La Coordinadora de Organizaciones para el Desarrollo, da que forma parte a Coordinadora Galega de ONGD, no seu comunicado de apoio e solidaridade, tanto coas persoas directamente afectadas como coa comunidade marroquí que vive nas nosas contornas.
Ademais, dende a organización insístese na necesidade de garantir o apoio internacional no longo prazo. Unha axuda que, indican, debe responder ás necesidades actuais e acompañar a recuperación posterior da man das organizacións civís locais.
SE QUERES COLABORAR, LEMBRA!
- A boa vontade non é suficiente. Se queres apoiar, asegúrate de que optas pola opción máis axeitada.
- Ten en conta que, nunha situación de crise humanitaria, os problemas manteranse por moito tempo. A túa axuda non é urxente; será válida durante moito tempo, por iso non te precipites na túa decisión.
- Seguro que na túa cidade existe algunha organización ou asociación vinculada ao país: contacta con ela e coñece as súas necesidades.
- Antes de nada, por favor, infórmate sobre as posibilidades de apoio que se che ofrecen. No caso de querer colaborar cunha ONG de Desenvolvemento, consulta o traballo que realiza, a que poboación se dirixe, que canles de colaboración ofrece, etc. De novo, non te precipites na túa decisión, contrasta e elixe unha vez teñas distintas opcións.
