A colección de libros ‘Defensoras de dereitos’ presentouse na Semana do Libro de Compostela (SELIC).
A colección, impulsada pola Coordinadora Galega de ONGD e a Asociación Galega de Comunicación para o Cambio Social (AGARESO) en colaboración con Iniciativa Mesoamericana de Mujeres Defensoras de Derechos Humanos (IM-Defensoras) e o apoio da Deputación de Pontevedra, narra as vidas de Miriam Suazo, Estela Ángeles Mondragón e María Cuc Choc. Tres activistas de Honduras, México e Guatemala que forman parte das máis de 2.000 mulleres defensoras organizadas en Mesoamérica, a rexión comprendida entre México e Costa Rica, arredor de IM-Defensoras.
Os libros están dirixidos ao público xuvenil e ten un formato adaptado para que, desde os centros educativos e os espazos de educación non regrada como os centros socioculturais ou biblioteca, se reflexione e traballe colectivamente o seu contido.
A autora dos tres libros é a xornalista e escritora Lara Dopazo Ruibal e as ilustracións son obra de Marta Conde e RotmInas.
Coñece ás defensoras!
Os libros foron publicados en galego e castelán, na versión online, e en galego na versión impresa. Atopa aquí>>> toda a información
Roi Guitián
Roi Guitián
Roi Guitián
