Neste 8M, nun momento no que os conflitos globais se multiplican, é esencial lembrar que somos as mulleres quen sostemos a vida, construímos alternativas de paz e transformamos o mundo.
Mentres Israel bombardea á poboación civil palestina, pechada e sen posibilidade de saída; aumenta a militarización de forma desenfreada; úsase o corpo das mulleres como arma de guerra; perséguese ás defensoras e defensores de dereitos humanos e da terra… Mentres todo iso ocorre, millóns de mulleres érguense cada día e tecen propostas colectivas en defensa da vida digna.
As mulleres no mundo
Dende tempos inmemoriais, as mulleres temos sido axentes de cambio a favor dos dereitos humanos. Os movementos feministas e de mulleres, en toda a súa diversidade, teñen sido os alicerces da loita pola xustiza e a igualdade.
Temos manifestado a nosa resistencia e rebeldía fronte a sistemas de poder opresores e depredadores. Temos tecido lazos de solidariedade e sororidade que traspasan fronteras.
Como chegamos a este 8M?
Este 8M non é unha excepción. Atopámonos nun momento crítico. Ao incremento das violencias engádeselle un preocupante retroceso de dereitos e liberdades, principalmente os que teñen que ver coa saúde e os dereitos sexuais e reprodutivos.
Afrontamos serias ameazas de retroceso en avances acadados con enormes esforzos históricos. E é precisamente nestes momentos de crise onde a resistencia e a unidade se fan máis vitais e necesarias ca nunca.
Que pedimos neste 8 de marzo?
Como organizacións que traballamos polo desenvolvemento e en defensa dos dereitos humanos, reafirmamos o noso compromiso coa construción dun mundo onde todas as persoas, independentemente do seu xénero, clase, etnia, idade, orientación sexual, situación de residencia e condición social poidan vivir libres de violencias, opresión e medo.
Facemos un chamamento a unirnos en solidariedade con quen sofre graves violacións de dereitos humanos, pola paz e pola xustiza en todo o mundo.
Recoñecemos as cinco áreas clave identificadas polas Nacións Unidas para este 8 de marzo que requeren acción conxunta para avanzar cara un futuro máis equitativo e sostenible:
- Invertir nos dereitos das mulleres. O progreso das mulleres é un imperativo moral e un factor vital para o avance de calquera sociedade. Instamos a invertir no seu empoderamento e a garantir que os seus dereitos humanos sexan respectados e protexidos en todas partes. O enfoque feminista debe integrarse en todas as políticas públicas, también na política exterior.
- Erradicar a pobreza; construír a paz. Urxe tomar medidas que frenen o crecemento da pobreza das mujeres. É esencial, tal como contempla a resolución 1325 de Nacións Unidas, asegura que as mulleres participen activamente nos procesos de resolución de conflitos e construción de paz.
- Garantir fondos que garantan dereitos. Os recortes presupuestarios e a inflación ameazan con socavar os avances en materia de igualdade de xénero. É fundamental implementar políticas de financiación que protexan os servizos esenciais para as mulleres e que promovan a súa participación en todas as esferas da vida.
- Transición a unha economía verde e a unha sociedade do coidado. O sistema económico actual perpetúa a desigualdade de xénero e o deterioro ambiental. Urxe realizar unha transición cara unha economía verde e unha sociedade do cuidado que recoñeza e valora o traballo non remunerado das mulleres e que promova a súa participación en sectores sostibles. Urxe aprender dos pobos oroxinarios, que protexen e coidan da Nai Terra.
- Apoiar ás activistas feministas. É imperativo brindar un maior respaldo ás activistas pola igualdade de xénero e os dereitos das mulleres e garantir que teñan os recursos necesarios para desenvolver a súa importante labor.
Dende a Coordinadora Galega de ONGD sumámonos ao manifesto da Coordinadora de Organizaciones para el Desarrollo da que somos parte. E facemos noso este chamamento:
Salgamos ás rúas, collamos da man ás nosas irmás e exixamos un mundo xusto e en paz, que garanta os dereitos humanos de todas as mulleres.
Vémonos nas rúas e en todos os sitios. En resistencia e pola construción colectiva da paz, a igualdade e a xustiza.
