Galicia Abriga dá un paso máis coa resolución da súa primeira convocatoria: o programa galego de acollemento temporal a mulleres defensoras de dereitos humanos recibirá nos vindeiros meses a tres activistas.
As tres descansarán en Galicia do acoso que veñen recibindo das elites económicas e políticas dos seus países a causa da súa labor de defensa dos Dereitos Humanos.
Galicia Abriga, un proxecto da cooperación galega
O primeiro Programa Galego de Acollida Temporal a mulleres defensoras de Dereitos Humanos nace en 2024 para que mulleres de organizacións e movementos sociais de países nos que a Cooperación Galega ten presenza poidan saír temporalmente do contexto de risco para a súa integridade física e psicolóxica no que se atopan, debido ao seu labor como defensoras de dereitos.
O programa estrutúrase arredor dun equipo xestor conformado polas organizacións de cooperación ao desenvolvemento Solidariedade Internacional de Galicia, Agareso e Ecos do Sur, e quince organizacións galegas que forman unha ampla e sólida rede de apoio. Impulsado inicialmente pola Coordinadora Galega de ONGD, Galicia Abriga e un proxecto do sector galego de cooperación internacional.
