Este 17 de outubro, Día Internacional para a Erradicación da Pobreza, é unha xornada para o análise, a reflexión e a reivindicación de solucións urxentes e eficaces.
Actualmente, o 1% máis rico ten máis riquezas que o 95% da poboación global. No mundo, 713 millóns de persoas viven en condicións de pobreza extrema.
É por iso que diversas organizacións e colectivos como a Plataforma Pobreza Cero reclaman un “reset ao sistema” inmediato e poñen o oco na necesidade urxente de solucións efectivas para erradicar a pobreza, as desigualdades e os conflitos armados en todo o planeta.
Fronte a pobreza, cooperación e solidariedade
Neste 2024, marcado fondamente polos conflitos internacionais, resulta máis evidente que nunca que a paz e os valores democráticos precisan dunha cidadanía activa e comprometida.
A violencia de Israel en Palestina e no Líbano, os conflitos activos en Ucraína, Sudán, o Sahel,… poñen de manifiesto a necesidade de cooperación entre nacións. As crises económicas e as guerras -ademais da emerxencia climática- están levando a un número récord de persoas desprazadas que xa supera os 117 millóns.
Neste contexto, as ONGD defenden que os dereitos humanos son clave e insisten na urxencia de promover a paz, a xustiza social e a solidariedade. E neste sentido lembran que, segundo a última enquisa do CIS, máis do 70% da población cre que España debe realizar un esforzo maior para axudar ás rexións máis empobrecidas, a miúdo pola guerra e a violencia.
Como abordar esta situación?
Solucións urxentes e inmediatas para os grandes retos globais
Máis de 750 millóns de persoas sofren fame, máis de 117 millóns atópanse desprazadas de xeito forzoso por conflitos armados e persecución política. 28 millóns de persoas -un 40% delas mulleres e nenas- viven en condicións de escravitude moderna, sometidas a traballos forzosos e explotación sexual.
Pídese recoñecer a causas estruturais e implementar solucións globais, así como impulsar a cultura da paz e a xustiza social.
Corredores humanitarios
Son necesarios pasos seguros para as persoas afectadas polos conflitos en Ucraína, Sudán, Siria e Afganistán, así como o alto o fogo inmediato en Gaza.
Nesta liña, reivindícase tamén a importancia de prohibir a venda de armas a zonas en conflito. E reclámase un novo Pacto Europeo sobre Migración e Asilo que garante o respecto aos dereitos fundamentais nas fronteras exteriores da Unión Europea.
Podes pensar que o que acabas de ler queda moi lonxe de nós. Por iso queremos compartir uns datos que tamén falan de desigualdade, vulnerabilidade e inxustizas. E que nos deben levar a reflexionar.
Por exemplo, o último informe de Oxfam Intermón calcula que a taxa de pobreza en España é do 13,7% e que aquí, en Galicia, é do 11,1%.
Ademais, segundo os seus datos, preto de 3 millóns de persoas con traballo están a vivir en España por debaixo do limiar da pobreza. Unha cifra que se sitúa nos 10.989,5€ anuais para un fogar unipersoal. Isto significa que esa persoa debe afrontar cuns ingresos mensuais de aproximadamente 915 euros gastos de vivenda, auga, luz e manutención. Isto é a pobreza laboral: traballar e non gañar o suficiente para os gastos mínimos básicos.
Se revisamos os últimos datos de EAPN atopamos que en Galicia 1 de cada 4 persoas está en situación de risco de pobreza ou exclusión social. Por tanto, 700.000 persoas da nosa contorna máis inmediata están nesta situación, que se converte en pobreza para o 19,4% da poboación e en pobreza severa para o 7%.
