Oito partidos políticos fixeron público hoxe o seu compromiso coa cooperación, nun acto impulsado pola Coordinadora de Organizaciones para el Desarrollo en Madrid.
Esta aposta pública de Partido Socialista, Bloque Nacionalista Galego, Partido Popular, Sumar, PNV, Esquerra Republicana de Catalunya, CUP e EH-Bildu supón un paso máis no camiño inicado pola recente Lei de Cooperación, aprobada hai cinco meses no Congreso por case todos os partidos. E chega, non só en campaña electoral, senón nun momento de múltiples crises a nivel global que evidencian a necesidade dunha política pública e sólida de cooperación.
Compromiso político para un futuro inmediato
Para facer máis forte a política de cooperación, estas oito formacións políticas manifestan o seu apoio activo a propostas moi concretas:
- Finalizar a reforma do sistema de cooperación
- Acadar o compromiso do 0’7% no 2030
- Fomentar unha maior ambición da Axenda 2030
- Fortalecer a acción humanitaria
- Recoñecer ás ONGD como actores especializados en cooperación
- Recoñecer as cooperacións descentralizadas como expresión da solidariedade cidadá
Cuestións que deben abordarse dende xa, para que os resultados sexan visibles no medio prazo.
Unha foto na que no están todas as que son
Das oito formacións políticas que confirmaron o seu apoio a este texto só tres (PSOE, PP e Sumar) puideron participar presencialmente no acto celebrado en Madrid. Por iso a imaxe do día non recolle a diversidade do compromiso político acadado.
As demais forzas asinarán o documento en vindeiros días e nos seus respectivos territorios. É o caso, por exemplo, do BNG, que formalizará próximamente en Galicia o seu compromiso con este documento e as seis medidas que recolle.
