A Coordinadora Galega de ONGD organiza, no marco do proxecto Futuro en Común, as xornadas “A defensa da terra, unha loita global” coa visita a Galicia de dúas persoas activistas ambientais de Honduras: Sandra Reyes e Modesto Ochoa. O programa conta cunha xira de actividades por diferentes puntos da comunidade do 8 ao 15 de maio co obxectivo de sensibilizar á sociedade galega sobre a necesidade de protexer o medio ambiente e os dereitos humanos ante o actual modelo neoliberal.

Honduras afronta retos ambientais moi similares aos que podemos atopar no noso país. Macroproxectos empresariais de minaría, eólicos, parques fotovoltaicos, entre outras moitas manifestacións dun modelo depredador de produción e consumo de recursos naturais. Estes proxectos contaminan terras e augas, afectan aos ecosistemas e destrúen as comunidades ás que nin sequera se ten en conta á hora de tomar decisións.

Neste contexto loitan cada día Sandra e Modesto, vendo como o beneficio económico das empresas se prioriza por riba dos impactos ambientais e sociais sobre os territorios e as persoas que os habitan. A súa visita pretende sensibilizar sobre estes abusos de poder e sobre as violacións de dereitos humanos que sofren persoas e comunidades por opoñerse á destrución e protexer as súas terras.

Defender a terra custa vidas 

Sandra Reyes é defensora de dereitos humanos e do territorio e líder comunitaria. É membro da Red de Mujeres de Pespire e subcoordinadora do Movimiento Ambientalista Social del Sur por la Vida ‘MASS-Vida’, plataforma social de defensa do territorio e os DDHH das provincias de Choluteca e Valle (zona sur de Honduras, fronteiriza con El Salvador e Nicaragua).

Por mor do seu labor, Sandra e Modesto, como moitas persoas defensoras do territorio e dos dereitos humanos en diversos países do mundo, foron vítimas de ameazas por parte das autoridades estatais e empresas extractivistas.

Honduras é un dos países do mundo con maior número de asasinatos de ambientalistas. A impunidade, a corrupción e a pobreza favorecen que as empresas antepoñan os seus intereses aos dos propios habitantes do territorio. A chegada á presidencia de Xiomara Castro presentouse como unha oportunidade de cambio, non obstante, a violencia continúa sendo de extrema gravidade. No que levamos de 2023, alomenos 8 activistas ambientais foron asasinados.

PROGRAMA DE ACTIVIDADES

LUNS, 8 de maio

11:30h Encontro coa asociación Mulleres Salgadas. Vilanova de Arousa

17:00h Encontro coa Secretaría da Muller do Sindicato Labrego Galego. Granxa preto de

Compostela

MARTES, 9 de maio

09:00h Recepción por parte da Directora Xeral de Calidade Ambiental, Sostibilidade e Cambio

Climático, Sagrario Pérez Castellanos. Santiago de Compostela

11:15h Recepción por parte da Subdirectora xeral de Cooperación Exterior, Pilar Romero Rodríguez.

Santiago de Compostela

17:30h Visita ao CEIDA. Oleiros

19:00h Charla no CEIDA. Oleiros

MÉRCORES, 10 de maio

16:00h XIII Seminario de Comunicación Social. Facultade de Ciencias da Comunicación, con Amigas

da Terra + Amnistía Internacional. Santiago de Compostela. Santiago de Compostela

XOVES, 11 de maio

12:30h Recepción por parte do Concello de Oleiros. Oleiros

16:00h Visita radio comunitaria CuacFM. A Coruña (pendente de confirmar)

17:30h Semana Galega da Cooperación Universitaria ao Desenvolvemento, con Enxeñería sen

Fronteiras. Facultade de Ciencias Económicas da Coruña

VENRES, 12 de maio

12:30h Charla instituto IES Ribeira do Louro. Porriño

17:00h Encontro coa plataforma Campomarzo Vertedoiro Non. Visita á zona e encontro con

colectivos feministas e ecoloxistas. Silleda

20:00h Charla-Coloquio no Círculo Recreativo. LalíN

DOMINGO, 14 de maio

12:00h Encontro coa plataforma Mina de Touro Non e colectivos ecoloxistas e plataformas veciñais

de defensa do territorio. Touro

LUNS, 15 de maio

10:30h Visita e charla no CEIP Balaídos. Vigo

13:00h Recepción coa Concelleira de Benestar Social do Concello de Vigo, Yolanda Aguiar. Vigo

17:00h Visita ao Centro de Formación a Aixola. Marín