A finais de outubro de 2023 este proxecto da Fundación Vicente Ferrer chegou ao seu fin. Tralo seu desenvolvemento, 67 mulleres de Santhe Kudlur (Kurnool, A India) fixéronse propietarias doutras tantas vivendas dignas, cun bo saneamento e seguras para elas e as súas fillas e fillos. En total, 172 menores.
Ademais dun fogar, o proxecto proporcionou formación en hixiene, saúde e igualdade de xénero e facilitou o fortalecemento da comunidade, que construíu de maneira conxunta os seus fogares e o seu futuro.
O proxecto impulsado por Solidariedade Internacional en 2023 deu continuidade ao traballo que SIEMBRA, a socia local da organización galega, leva a cabo no municipio de Concepción Chiquirichapa (Quetzaltenango) dende 2011, impulsando a agricultura sostible, o dereito a un medio ambiente san e a unha vida libre de violencias machistas.
En concreto, permitiu continuar os procesos apoiados nos anos 2017 e 2018 por Solidariedade Internacional de Galicia co financiamento do Concello de Santiago. Marcándose como obxectivo mellorar a seguridade alimentara, a nutrición e as condicións medioambientais -dende un enfoque baseado nos dereitos humanos- de oito comunidades indíxenas maia.
Para isto, traballouse en tres liñas:
- Fortalecemento das capacidades comunitarias na implantación de boas prácticas de produción agroecolóxica e conservación do medio ambiente.
- Fortalecemento das capacidades da Municipalidade na promoción e implementación de novas prácticas de produción e na loita contra o cambio climático.
- Aumento do recoñecemento social e institucional das mulleres nas prácticas de produción e consumo agroecolóxico, soberanía alimentaria e coidado medioambiental e da saúde
Este proxecto da organización Solidariedade, Educación e Desenvolvemento (SED) exemplifica o impacto transformador da colaboración entre diferentes actores na promoción dos dereitos humanos e o desenvolvemento sostible, partindo da base de que unha educación de calidade é o piar fundamental para o exercicio pleno dos dereitos das persoas e para a construción dunha sociedade máis equitativa e xusta. Algo que adquire unha especial importancia nun país cunha situación tan delicada como O Salvador.
Durante nove meses, impartíronse clases teóricas e prácticas do currículo formativo en saúde. Esta disciplina sumou, xunto con outras ramas (mecánica automotriz e contaduría), 521 alumnos e alummas, sendo elas o 57%.
Ao finalizar o proxecto, o módulo de saúde do ICTV Jesús Obrero contaba con novos equipos e o 90% do alumnado se vincular a actividades relacionadas co desenvolvemento sostible.
O proxecto que Proyde desenvolveu entre setembro de 2022 e agosto de 2023 en Tambingue (Togo) repercutitu en 150 nenos e nenas de entre 6 e 12 anos, involucrando ás súas familias e a seis docentes. Tratábase de garantir a calidade da educación e a equidade de xénero na escola.
No marco do proxecto mellorouse o estado e o equipamento das aulas, así como o acceso á auga potable mediante unha torre equipada cun panel solar. Tamén as condicións hixiénicas e de saúde, especialmente das rapazas, grazas á construción de dous bloques de letrinas. Todo isto púidose facer coa implicación activa de familias e comunidade educativa.