logo

NOVAS

Ago21

Día da Acción Humanitaria: máis sombras que luces

O panorama internacional non é alentador. Un ano máis, o Día Mundial da Asistencia Humanitaria vén marcado polas violacións sistemáticas do dereito humanitario internacional, o cal ten gravísimas consecuencias para a poboación civil. Segundo os últimos datos do Informe sobre Seguridade de Traballadores Humanitarios, en 2015, producíronse 287 ataques nos que resultaron mortas 107 traballadoras e traballadores humanitarios. Estes ataques non só acaban coa vida de profesionais, acaban tamén coa vida da poboación local e coas xa limitadas capacidades de atención humanitaria. Atentan directamente contra o dereito internacional humanitario.

A humanidade afronta graves e complexas crises humanitarias. Os dirixentes políticos non só tiran balóns fose e eluden as súas responsabilidades senón que ademais, en moitos casos, botan leña ao lume. A actitude de Europa fronte á situación no Mediterráneo está a demostrar a súa falta de humanidade. is de 20 millóns de persoas, entre elas 1,4 millóns de nenos e nenas, están ao borde da fame extrema en Nixeria, Somalia, Sudán do Sur e Iemen. As ameazas que, de maneira frívola, realizan Estados Unidos e Corea do Norte esquecen as graves consecuencias humanitarias que este tipo de declaracións poden ter sobre a poboación civil. É urxente un cambio inmediato nas políticas internacionais que garanta que se cumpre de maneira estrita o dereito internacional humanitario e asístese ás persoas máis vulnerables.

A asistencia humanitaria española: en mínimos históricos
Nun contexto mundial marcado por graves crises humanitarias, o goberno español reduce á súa mínima expresión os fondos destinados á asistencia humanitaria. O descenso alcanza o 80% desde 2015. Chama especialmente a atención o recorte en fondos xestionados por ONG: ata un 97%; unha situación moi alarmante xa que a xestión a través das organizacións supón un enorme diferencial á hora de chegar a lugares remotos e atender ás vítimas máis vulnerables.

“Os Orzamentos Xerais do Estado deben reverter esta situación. Os fondos destinados a acción humanitaria deben aumentar ata un 10% do total da Axuda Oficial ao Desenvolvemento que, pola súa banda, debe ascender ata o 0,4% da RNB ata final de lexislatura”, afirma Felipe Noya, vogal de Axuda Humanitaria da Coordinadora de ONG para o Desenvolvemento. Non facelo significaría dar as costas ao compromiso asumido polo goberno español, no marco da Axenda 2030 e o Cumio Humanitario Mundial, polo que está obrigado a atender ás persoas máis vulnerables e  garantir que ninguén queda no abandono. Significaría, sobre todo, deixar atrás os dereitos de millóns de persoas cuxas vidas están en risco; unha situación que chocaría de fronte coa candidatura do Estado español ao Consello de Dereitos Humanos de Nacións Unidas. Os Orzamentos Xerais do Estado para 2018 están a piques de negociarse e aprobarse. Confiamos en que o goberno saiba aproveitar a oportunidade; pola nosa banda, seguiremos a vixilancia cidadá e sairemos á rúa.

E-BOLETíN

ACTIVIDADES DA SEMANA

BIBLIOTECA

Biblioteca da Coordinadora Biblioteca Documentos on line Documentos

 

FORMAMOS PARTE DE

Solidaria


Fiare


coop57 galicia


pobreza cero


coordinadora


QUIEN DEBEA QUIEN





Coordinadora Galega de ONG para o Deselvolvemento
Rúa dos Basquiños, 33 1º A, Santiago de Compostela | Tlf: 981585189 | sensibilizacion@galiciasolidaria.org

Reconocimiento - CompartirIgual (by-sa)

Os contidos de esta web están baixo unha licenza Creative Commons se non se indica o contrario