logo

NOVAS

Sep19

A cooperación ao desenvolvemento nas Eleccións Galegas 2016

Ante as vindeiras eleccións galegas, dende a Coordinadora Galega de ONGD demandamos, unha vez máis, políticas que melloren a vida das persoas no mundo. Tanto dentro como fóra de Galicia. Para iso, elaboramos un documento coas nosas propostas políticas en materia de cooperación ao desenvolvemento titulado O mundo que queremos. Propostas da Coordinadora Galega de ONGD

Neste enlace>>> atoparedes a versión reducida
E neste outro>>> a versión extendida.

Tamén podes ler este artículo de opinión que escribimos no blog No me pidan Calma>>>


ANALIZAMOS OS PROGRAMAS ELECTORAIS DOS PRINCIPAIS PARTIDOS

Un dos traballos que levamos a cabo foi analizar os programas electorais dos partidos para saber como incorporan as propostas das ONGD galegas para a política pública e social de cooperación ao desenvolvemento ao longo da vindeira lexislatura.

Analizamos con especial detalle os COMPROMISOS ORZAMENTARIOS porque sabemos, e máis logo de sufrir un recorte superior ao 60% nos últimos anos,  que o verdadeiro compromiso se reflicte nos orzamentos.

A nova positiva é que todos os partidos con visos de entrar no Parlamento de Galicia se comprometen a aumentar os fondos destinados á cooperación ao desenvolvemento.

Ler nota de prensa>>>

O Bloque Nacionalista Galego  é o que asume un indicador de crecemento orzamentario máis ambicioso e aliñado coas demandas do sector das ONGD e recolle no seu programa  o obxectivo  de superar nesta lexislatura 0,2% adicado á cooperación internacional .

O programa electoral de En Marea tamén se compromete con cifras concretas de crecemento, pero o seu compromiso é menos ambicioso que o do BNG e o demandado polas ONGD galegas  porque fala de dobrar os fondos que actualmente se destinan a cooperación pero este compromiso, aínda que positivo, non sería suficiente para acadar o 0,2% de adicación a AOD ao final da lexislatura.

O PSdG recolle a proposta de “recuperar a política pública e social de cooperación.."  e de “establecer compromisos plurianuais de axudas..   pero no seu programa non se compromete con cifras concretas de crecemento de cara a vindeira lexislatura.

Sen embargo, o seu candidato, Xoaquín Fernández Leiceaga asumía publicamente as demandas da Coordinadora Galega de ONGD cando nunha entrevista da propia Coordinadora declaraba “os socialistas galegos asumimos o compromiso de acadar progresivamente (no curso da próxima lexislatura) o 0,2 por cento do orzamento xeral dedicado á política pública de cooperación ao desenvolvemento..."

O programa do PPdG tamén recolle o compromiso de “incrementar paulatinamente, e de forma sostida, a Axuda Oficial ao Desenvolvemento (AOD)” sen embargo non se compromete con cifras de crecemento concretas para a vindeira lexislatura, senón que se limita a marcar un mínimo de crecemento anual e condicionado porque di que este crecemento se fará “establecendo como incremento mínimo anual a porcentaxe na que se incremente o orzamento consolidado da Xunta de Galicia”.

Aquí podes atopar un análise en detalle dos programas electorais>>>>

Para dalas a coñecer visibilizámolas baixo o hashtag #25S_GaliciaSolidaria Axúdasnos a difundilo?

 

ENTREVISTAMOS AOS CANDIDAT@S

Este ano decidimos que queriamos ter unha versión persoal sobre o que pensan sobre cooperación ao desenvolvemento, sobre a crise de refuxiadas e sobre a coherencia de políticas, entre outras, as persoas candidatas á presidencia da Xunta.

O primeiro en responder foi Xoaquín Fernández Leiceaga, candidato do PsdeG, se comprometeu a aumentar os fondos destinados á cooperación internacional ata o 0,2% durante a vindeira lexislatura, tal e como demandaba a propia Coordinadora Galega de ONGD. Tamén en apostar polo aliñamento coa Axenda 2030 e pola promoción dunha cidadanía activa. Estas son as súas respostas>>>

A segunda en responder foi Ana Pontón, candidata do BNG, que tamén amosou o seu compromiso por aumentar os fondos destinados á cooperación ata o 0,2% tal e como demandaba a propia Coordinadora Galega de ONGD, para "deixar atrás o tempo dos recortes". Tamén en promover unhas relacións comerciais xustas e políticas internacionais coherentes cos principios da cooperación. Estas foron as súas respostas>>>

O terceiro en responder foi Alberto Núñez Feijóo, candidato do PPdG e actual Presidente da Xunta,  que recoñeceu que a Xunta non ten adicado todo o que lles tivese gustado á AOD, e se comprometeu co incremento paulatino destes fondos  de forma que como  mínimo suban na mesma porcentaxe en que suba o orzamento consolidado da Xunta. Xa que "hai que contribuír en orixe para loitar contra a pobreza e as desigualdades" Estas son as súas respostas>>>

O cuarto en responder foi Luis Villares, candidato de En Marea, que reafirmou o compromiso do seu partido e dobrar os fondos que actualmente se destinan á cooperación internacional e tamén se comprometeu en promover un Plan Director participado pola sociedade civil.  Estas son as súas repostas>>>


REUNÍMONOS COS PRINCIPAIS PARTIDOS

Dende o anuncio da convocatoria das eleccións galegas solicitamos reunións con todos os partidos políticos con representación no Parlamento.

De momento nos reunimos con:

- PsdeG. O candidato á presidencia, Xoaquín Fernández Leiceaga, mostrou sintonía coas propostas, especificamente coas vinculadas ao aumento do orzamento de cooperación ata os 6 millóns de euros. Ver aquí>>>

- BNG. Xosé Luis Rivas e Rosana Pérez Fernández, número 2 e 3 da lista de Coruña, respectivamente comprometéronse a incorporar no seu programa a necesidade de establecer compromisos plurianuais de gasto e garantir a publicación anual das distintas convocatorias de axudas en concorrencia competitiva establecidas no III Plan Director de Cooperación. Podedes velo aquí>>>

- En Marea. Pablo González Novoa, responsable de política exterior, e Xabier Ron, membro de En Marea e da Comisión de Seguimento do Pacto Galego contra a Pobreza, mostráronse favorables a incorporar moitas das propostas electorais da Coordinadora, entre outras, o aumento dos fondos dedicados á cooperación. Aseguraron que apostarán por duplicalos ao final da lexislatura e tamén para que, cada ano, se recolla un incremento mínimo do 20% anual.Informaron que o programa tamén recollerá a reforma do Consello Galego de Cooperación ao Desenvolvemento (CONGACODE), entre outras, para que a representación da Xunta, a diferencia de agora, non supere o 40% das persoas membro. Ver aquí>>>

- PP. Asisitiron José Manuel Rey Varela, Conselleiro de Política Social; Jesús Gamallo, Director de Relacións Exteriores e coa UE, Mari Teijeiro, responsable de Política Social, e Gonzalo Trenor, deputado e número 16 da lista pola Coruña. O compromiso salientable dos populares foi o de axilizar e flexibilizar a xestión dos fondos públicos de cooperación, unha das demandas da Coordinadora. Aínda así, da reunión non se derivou ningún compromiso orzamentario para a vindeira lexislatura. Ver aquí>>>

 

#25S_Galicia Solidaria

E-BOLETíN

ACTIVIDADES DA SEMANA

BIBLIOTECA

Biblioteca da Coordinadora Biblioteca Documentos on line Documentos

 

FORMAMOS PARTE DE

Solidaria


Fiare


coop57 galicia


pobreza cero


coordinadora


QUIEN DEBEA QUIEN





Coordinadora Galega de ONG para o Deselvolvemento
Rúa dos Basquiños, 33 1º A, Santiago de Compostela | Tlf: 981585189 | sensibilizacion@galiciasolidaria.org

Reconocimiento - CompartirIgual (by-sa)

Os contidos de esta web están baixo unha licenza Creative Commons se non se indica o contrario