logo

AXENDA SOLIDARIA


Aberta a convocatoria dos Premios EU-LAC 2017 para Xornalismo e Iniciativas Cidadás

31/07/2017 - 15/08/2017

Abriuse a segunda edición dos Premios EU-LAC. Os premios son organizados cada dous anos pola Fundación EU-LAC e teñen como obxectivo promover a visibilidade, o coñecemento mutuo de modelos de boas prácticas e innovación entre Europa, América Latina e o Caribe. Para esta edición, os premios consisten en dúas categorías principais: Novos Xornalistas e Iniciativas Cidadás. As solicitudes deben presentarse en liña utilizando o formulario web para cada categoría que se atopa na páxina web dos Premios ata o 15 de agosto de 2017.

Os Premios EU-LAC fomentan a participación da cidadanía e institucións que se centran na relevancia significativa da relación birrexional entre a Unión Europea e os países de América Latina e o Caribe.

O Premio de Nov@s Xornalistas será atribuído a 2 xornalistas ou aspirantes a xornalistas, entre os 20 e os 32 anos, cun estilo de redacción creativo e con boas habilidades analíticas. Bloggers e usuari@s das redes sociais tamén poden participar. Para esta categoría, os premios consisten na publicación do seu artigo pola Fundación EU-LAC e nun medio de comunicación europeo- Deutsche Welle- e posiblemente nun medio latinoamericano e/ou caribeño.

A categoría de Iniciativa Cidadá recoñecerá proxectos que promovan a transformación social e o desenvolvemento. Os proxectos nomeados serán aplicables aos contextos das distintas rexións, a fin de promover e fomentar a cooperación entre as sociedades de Europa, América Latina e o Caribe. O premio para a candidatura gañadora consistirá nunha contribución financeira de 12.000 euros para financiar material para continuar implementando e desenvolvendo o proxecto.

A data límite de inscrición é o 15 de agosto de 2017 e os gañadores serán notificados en setembro de 2017. A cerimonia de entrega de premios celebrarase no marco do Cume CELAC-UE, en outubro de 2017 no Salvador.

Neste enlace>>> atoparedes toda a información.

Página anterior

Coordinadora Galega de ONG para o Deselvolvemento
Rúa dos Basquiños, 33 1º A, Santiago de Compostela | Tlf: 981585189 | sensibilizacion@galiciasolidaria.org

Reconocimiento - CompartirIgual (by-sa)

Os contidos de esta web están baixo unha licenza Creative Commons se non se indica o contrario